149. (iv.) Quod Dominus operetur illas virtutes in illis qui credunt in Ipsum. - Quod Dominus operetur illas virtutes, quae per missionem Spiritus Sancti intelliguntur, in illis qui credunt in Ipsum, hoc est, quod illos reformet, regeneret, innovet, vivificet, justificet, purificet a malis, et demum salvet, constat ex omnibus illis locis in Verbo, quae confirmant quod salus et vita aeterna sit illis qui credunt in Dominum, quae adducta supra (n. [4]107) videantur; et insuper ab hoc, Dixit Jesus, "Quisquis credit in Me, sicut dicit Scriptura, flumina ex ventre ejus fluent aquae viventis; hoc.. dixit de spiritu, quem accepturi sunt credentes in Ipsum" (Joh. vii. 38, 39). Tum ex hoc, "Testimonium Jesu est spiritus prophetiae" (Apoc. [1]xix. 10);