2797. Vers. 6. Et accepit Abraham ligna holocausti, et posuit super Jishako filio suo; et accepit in manu sua ignem et cultrum, et iverunt ambo illi simul. `Accepit Abraham ligna holocausti' significat meritum justitiae: `et posuit super Jishako filio suo' significat quod adjunctum Rationali Divino: `et accepit in manu sua ignem et cultrum' significat bonum amoris et verum fidei: `et iverunt ambo illi simul' significat unitionem quantum possibile.