706. Vers. I. Et dixit Jehovah Noaho, Intra tu et omnis domus tua in arcam, quia te vidi justum coram Me in generatione hac. 'Quod dixerit Jehovah ad Noahum' significat quod ita factum; 'Jehovah' dicitur quia nunc agitur de charitate: 'intra tu et omnis domus in arcam' significat illa quae sunt voluntatis, quae est 'domus'; 'intrare in arcam' hic est praeparari: 'quia te vidi justum in generatione hac' significat bonum habere, per quod regenerari posset.