7746. Sed tametsi putant quod non intelligatur ab aliis quid inter se loquuntur, usque tamen spiritus angelici omnia et singula quae loquuntur percipiunt; causa est quia ab illis subtrahi cogitatio aliqua non potest; hoc quoque ostendebatur illis per vivam experientiam; cogitabam de eo quod spiritus nostrae telluris non afficiantur pudore cum infestant alios; etiam hoc influebat apud me a spiritibus angelicis; spiritus Martis tunc agnoscebant quod id esset de quo inter se loquebantur ac mirati sunt; praeterea a spiritu angelico detegebantur plura quae et loquebantur et quae cogitabant, utcumque satagebant {1}cogitationes illi subducere. @1 cogitationem illis$