9216. `In qua dormiat': quod significet quietem super illis, constat ex significatione `dormire' quod sit quiescere, hic super sensuali externo, quod significatur per `vestem,' n. 9212, nam dicitur `vestis in qua dormiat.' Quomodo intelligendum est quod interiora quietem habeant super sensuali, dicetur: sensuale est ultimum vitae hominis, ut supra ostensum est; quod ultimum est, hoc continet omnia interiora et est commune eorum, nam in illud desinunt ac ita super quo quiescunt; sicut pro exemplo cutis, quae ultimum tegumentum corporis est, in {1}illam desinunt interiora corporis, quia continet illa, ita quoque quiescunt super illa; similiter in corpore peritonaeum, hoc quia continet viscera abdominis, etiam haec quiescunt super illo, {2}et quoque nexum communem {3}habent cum illo; pariter pleura respective ad viscera thoracis. 2 Similiter se habet cum omnibus quae ipsius vitae hominis sunt, prout cum illis quae se referunt ad intellectuale ejus et quae ad voluntarium; haec quoque succedunt ordine ab interioribus ad exteriora; exteriora sunt scientifica cum eorum amoenis, et extrema sunt sensualia quae communicant cum mundo, {4}per visum, auditum, gustum, olfactum, et tactum; super his quiescunt interiora, nam in illa desinunt; haec sunt quae in sensu spirituali significantur per 'tegumentum' {5}seu `vestem in qua dormiat.' Quod sensualia sint `vestis' aut `tegumentum,' est ex correspondentiis, nam, ut supra n. 9212 dictum est, spiritus et angeli apparent (t)vestibus induti secundum vera fidei eorum, splendentibus qui in veris ex bono sunt, prout angeli ad sepulcrum Domini, Luc. xxiv 4; Matth. xxviii 3, et quoque byssinis albis, prout illi de quibus in Apocalypsi xix 14, ac vestibus varii coloris alii. Praeterea sciendum {6} quod omnia et singula a primo seu intimo 3 progrediantur successive ad sua ultima, et ibi quiescunt; etiam {7} priora seu interiora cum ultimis {8}in successivo ordine nexum habent; quapropter si ultima disparantur, etiam interiora dissipantur; inde quoque sunt tres caeli; intimum seu tertium caelum influit in medium seu secundum caelum, medium seu secundum caelum influit in primum seu ultimum caelum, hoc iterum influit apud hominem {9}, inde humanum genus est ultimum in ordine, in quod desinit et in quo quiescit caelum; quapropter Dominus ex Divino Suo semper providet ut apud genus humanum Ecclesia sit in qua sit verum Divinum revelatum, quod in nostra tellure est Verbum; per hoc datur continens nexus humani generis cum caelis; inde est quod singulis Verbi sensus internus insit, qui pro caelo, qui talis est ut conjungat mentes angelicas mentibus humanis vinculo tam stricto ut unum agant; inde iterum patet quomodo se habet cum quiescentia interiorum super ultimis. @1 ea quiescunt omnia quae in corpore sunt$ @2 etiam$ @3 habet cum illis$ @4 prout illa quae immediate ex visu, auditu, gustu, olfacto et tactu sunt$ @5 et$ @6 i est$ @7 i ordine$ @8 successive$ @9 i, ac desinit in illum$