57. Convocabantur postea, et explorabantur num omnes unanimes essent in confitendis illis nefandis, et inventum quod quidam ex illis non tale nefandum dogma haberent, qui erant qui nesciebant arcana illorum; hi faciebant 1/3 partem eorum; hi separati sunt, et reliqui separati dati sunt quibusdam in servos, ac vetitum ut iidem una amplius congregarentur: reliqui etiam separati sunt, et ablegati in societates, cum prohibitione ne simul essent: -- Sanctam coenam nec fecerunt sanctam. De baptismo, quod in usu illis sit propter reformatos.