1582. Praeterea quod transire possit spiritus in alius corpus, et vivere corpore, hoc absurdum, et impossibile, nam sic mutaretur forma unius in alterius, et prorsus interiores hominis substantiae excavarentur, et substantiae alterius loco ejus applicarentur fibris et vasis, et indueretur simul omne id quod naturam traxit in corpore, ad obediendum propriae formae.