Cum spiritibus loquutus sum de loquela cum Mose, qui cum me confirmarunt, quod loquela ista fuisset modo loquela simplex, nec cogitatio interior, nam solum in externis fuit, sicut alii quoque in populo Israelitico, quod satis etiam constat a scriptis eorum, et aliis indiciis, interiora iis incognita fuerunt, quare quia non in eorum memoria sicut in vase communi, [h.e.] non intus, ideo nihil aliud quam externum erat, ita solum loquela, ac praeterea visio, imaginativa, quae ad exteriora etiam pertinent: interiora nemini licet intueri, et sic per cogitationes interiorum communicare simul cum spiritibus et angelis, nisi [iis] qui a Domino prius instructi sint, ac in fide in Ipsum sunt. 1748, 14 Maj.