3279. Porro cum inciperem dubitare {1} num pulmones haberent sicut nos, quibus nos articulato sono loquimur, ostendebant mihi, quomodo ex pulmonicis eorum labatur aura seu atmosphaera in labia, per vivam experientiam, nempe {2} ab interiori loco thoracis fere, versus peripherias thoracis, et sic sursum per inflexum quendam in labia, sic ut labia moveantur non immediate per influxum idearum in fibras, et sic in motrices, sed per spiratum talem, sic afflatum, intrinsecum pulmonicum. 1748, 23 Sept. @1 ms. dibitare$ @2 ms. nem sic contractum$