De Dracone et ejus turba
Delatus sum ad inferiora, ubi pessimi ex diabolis, sed in somno, et tunc videbar vagari per errores, et tandem perveni ad rudera domuum, ubi tandem non exitus, volui ire ad urbem, sed ita in somnio ductus a diabolis, tunc tres diaboli me adibant, cum quibus loquutus quaesivi viam ad urbem, et pollicebar uni eorum pecunias, ut monstraret mihi viam ad urbem: sed tunc subito evigilatus sum, et eram in loco, ubi inferna malitiosissima, e medio eorum accedebat unus versus me, et tunc statim in sphaera ejus incepi dubitare de Divino, sed eram adhuc modo vigil ad dimidium.
