5889. Quod omnes qui despexerunt, separati sint a reliquis etiam boni Quod separati sint a reliquis qui despexerunt, prius ab experientia ostensum [5671-3]; hoc quoque factum est in societatibus coeli, ubi probi et boni, illi qui non pertinebant ad societatem, non potuerunt aliter quam appercipere illa quae infra, quia non in vinculo societatis erant, quapropter illi quoque inde separati sunt, et in societatem suam abducti, quidam primum ad inferiora, quidam non primum per inferiora, quidam per ambages, ut redigerentur ad affectionem suam regnantem.