Dominus multis in locis vocatur Jehovah, Jehovah Zebaoth, et in specie Deus. Deus Israelis, Sanctus, et Sanctus Israelis, ac Adonajus, Petra, Angelus, Brachium Jehovae, Propheta, Filius hominis, utplurimum dum Jehovah nominatur, etiam Ipse, quoniam unum sunt, --fortis Jacobi, petra Jacobi. Quare in genere per Jehovam Ipse Pater et Dominus simul intelliguntur, quod a sequentibus locis constat. [6.] Jesus sublatus est in coelum, et nubes suscepit Ipsum, et tunc bini Angeli dixerunt, hic Jesus sic veniet quemadmodum vidistis Ipsum euntem in coelum, Act: Apost: I: 9.11. Quod Jesus resurrexerit a mortuis secundum praedictionem per Davidem, Ps: XVI: 10, et quod ibi intelligatur Christus et non David, Act: Apost: I: 27.28.29.31. Cap: XIII: 34 ad 37. Tum dixit Jehovah, dixit Dominus Domino meo, sede ex dextris meis, donec ponam inimicos tuos scabellum pedum tuorum, Ps: CX: 1. Act: Ap: II: 34.35. Dominus Deus noster, Act: Apost: II: 39. Hic est omnium Dominus, Act: Ap: X: 36. Ducem vitae interfecistis Act: Ap: III: 15. [1.2.3.] Ut quando venerint tempora recreationis a facie Domini, mittat prius praedicatum vobis Jesum Christum, quem oportet coelum suspicere ad tempus restitutionis omnium quae loquutus est Deus per os omnium Prophetarum a saeculo, Act: Ap: III: 20.21. [1.] Moses dixit, Prophetam vobis suscitabit Dominus Deus vester ex fratribus vestris, Ipsum [audietis,] quaecunque anima, quae non audiverit Prophetam istum, delebitur e populo; omnes prophetae praenuntiaverunt Ipsum, Deuter: XVIII: 15.18.19. [Act: Ap: III: 22--24.] [1.] Praedictio ab Esaja Cap: LIII: 7.8.9, quod Dominus pateretur, Act: Ap: VIII: 32.33. Quod Christus esset Filius [Dei], Act: Ap: VIII: 31. Cap: IX: 20. Jesus est omnium Dominus, Act: Ap: X: 36. Quod sit Judex vivorum et mortuorum, vers: 42. In Antiochia primum vocati sunt Christiani, Act: Ap: XI: 26. Paulus dictum Psalmi II: 7, hodie genui te, explicat ad Jesum, Act: Ap: XIII: 33. [1.] Vocatur Lumen gentium in salutem usque ad extremum terrae, Esaj: XLIX: 6. Act: Ap: XIII: 47. [1.] Adventus Domini ad reaedificandum collapsa, Amos IX: 1. 11, adducitur, Act: Ap: XV: 16.17. Paulus dicit quod paratus sit ligari et mori super nomine Domini Jesu, Act: Ap: XXI: 13. Paulus Romae praedicans regnum Dei, et docens ea quae Dominum Christum spectabant, Act: Ap: XXVIII: 31. In actis Apostolorum legitur solum quod praedicaverint Dominum Christum, ac ut crederent in Ipsum, et nullibi quod in Deum Patrem.