[7.] Dies nubis et caliginis, Ezech: XXXIV: 12. ((((((((Dabo montem Seir et urbes ejus in vastitatem et devastationem, in vastitates aeternitatis, Ezech: XXXV: 3.4.7.9.12.14.15.)))))))) [9.] Tunc habitabuntur urbes, et vastitates aedificabuntur, Ezech:XXXVI: 10. [9.] Cum sanctificavero Me ipsum in vobis, tunc dabo vobis cor novum, et spiritum novum dabo in medio vestri, et removebo cor lapidis, et dabo vobis cor carnis, et spiritum novum dabo in medio vestri, et mihi eritis in populum, et Ego vobis in Deum, Ezech: XXXVI: 23.26.27.28. [9.] In die, quo mundavero vos ab omnibus iniquitatibus vestris, et inhabitare fecero urbes, et aedificatae fuerint vastitates, dicent, terra haec devastata facta est sicut hortus Edenis, et urbes desolatae et devastatae, munitae habitantur, Ezech: XXXVI: 33 ad 38. Ecce Ego aperturus sepulchra vestra, et ascendere faciam vos e sepulchris vestris, o popule mi, et deducam vos super terram Israelis, et dabo spiritum meum in vobis, ut vivatis, Ezech: XXXVII: 12.13.14, de ossibus aridis, per quod illis spiritus infusus sit, et revixerint, describitur Regeneratio. [7.] In diebus multis visitaberis, et in posteritate dierum venient super terram factam [in] vastitatem, Ezech: XXXVIII: 8.16. [7.] Sepelient Gogum, in die quo glorificabor Ego, Ezech: XXXIX: 11.12.13. Gogus qui in cultu externo et nullo interno. [9.] De sacrificio magno super montibus Israelis, et quod sic daturus sit gloriam inter gentes, ut cognoscant quod Jehovah Deus eorum, ex die illo, ac deinceps, Ezech: XXXIX: 17 ad 22. [9.] De nova Ecclesia, quae describitur per plura apud Ezechielem a Cap: XL ad XLVIII. De urbe quae nova Hierosolyma, de portis ejus, Ezech: XL: de Templo etc: XLI: de atrio et cubiculis ibi, XLII. De porta orientis ubi gloria Dei Israelis visa est, et de Cultu Ipsius, XLIII: porro de cultu Ipsius et de ministerio, XLIV. De statutis pro principe, XLV.XLVI. De aquis ex domo, XLVII: de sortitione terrae secundum Tribus, XLVII: XLVIII. Quod nomen urbis Jehovah ibi, XLVIII: 35.