[7.7.] Stetit et mensus est terram, vidit et dissipavit gentes quin dispersi sunt montes aeternitatis, humiliarunt se colles saeculi. Sol et luna stetit sede sua, in lucem tela tua abeunt, in splendorem fulmen hastae tuae; in ira [Tua] abibit terra, in naso [Tuo] triturabis gentes. Exivisti in salutem populi Tui, ad salvandum unctum tuum, percussisti caput de domo impii: quiescam in die angustiae, quo ascendet contra populum qui depraedabitur eum, Habak: III: 6.11.12.13.16. [7.] Obmutesce coram Adonai Jehovih, quia propinquus est dies Jehovae; fiet in die sacrificii Jehovae, visitabo super principes, visitabo super implentes domum dominorum suorum violentia et dolo, unde erit in die illo vox clamoris, ejulatio et confractio magna, Zeph: I: 7 ad 10. [7.] Fiet in tempore isto, perscrutabor Hierosolymam lucernis, et visitabo super viros coagulatos super fecibus suis, tunc erunt opes eorum in praedam, et domus eorum in devastationem. Propinquus dies Jehovae magnus, propinquus, et festinans valde, vox diei Jehovae amare clamans, dies excandescentiae dies hic, dies angustiae et coarctationis, dies vastitatis et devastationis, dies tenebrarum et caliginis, dies nubis et obnubilationis, dies buccinae et clangoris super urbes munitas. Argentum et aurum eorum non poterit eripere illos, in die excandescentiae irae Jehovae, et igne zeli ejus comedetur tota terra, quia consummationem festinatam faciet cum omnibus habitatoribus terrae, Zeph: I: 12 ad 18. [NB.7.] Jehovah in matuta, in matuta judicium dabit in lucem, nec deerit, quare exspectate Me, dictum Jehovae, usque ad diem, surgere meum ad praedam, ut effundam super eos indignationem meam, omnem excandescentiam irae meae, quia in igne zeli mei comedetur tota terra, Zeph: III: 6.8. [7.] Devastabuntur anguli urbis eorum, desolabo plateas eorum, devastabuntur urbes eorum, ut non vir, nec habitator, Zeph: III: 6. [7.] Fiet in universa terra, duae partes in ea exscindentur, exspirabunt, tertia autem relinquetur in ea, Zach: XIII: 8.9.