7345. Vers. 25-29. Et impleti septem dies postquam percutere Jehovah fluvium. {1}Et dixit Jehovah ad Moschen, Veni ad Pharaonem, et dices ad illum, Ita dicit Jehovah, Mitte populum Meum, et serviant Mihi. Et si renuis tu mittere, ecce Ego afficiam omnem terminum tuum ranis. Et prorepere faciet fluvius ranas, et ascendent et venient in domum tuam, et in conclave cubilis tui, et super lectum tuum, et in domum servorum tuorum, et {2}in populum tuum, et in clibanos tuos, et in mactras tuas. Et in te, et in populum tuum, et in omnes servos tuos, ascendent ranae. `Et impleti septem dies postquam percutere Jehovah fluvium' significat finem status illius postquam vera falsificata: `et dixit Jehovah ad Moschen' significat novam instructionem: `Veni ad Pharaonem, et dices ad illum' significat mandatum ad infestantes: `Ita dicit Jehovah, Mitte populum Meum ut serviant Mihi' significat ut relinquant illos qui ab Ecclesia ut in libero Deum suum colant: `et si renuis tu mittere' significat si non relinquerent: `ecce Ego afficiam omnem terminum tuum ranis' significat ratiocinia ex meris falsis: `et prorepere faciet fluvius ranas' significat quod ratiocinia ex falsis illis: `et ascendent et venient in domum tuam, et in conclave cubilis tui' significat quod implebunt mentem usque ad interiora ejus: `et super lectum tuum' significat ad intima: `et in domum servorum tuorum, et {2}populi tui' significat omnia quae in naturali: `et in clibanos tuos, et in mactras tuas' significat in jucunda cupiditatum: `et in te, et in populum tuum, et in omnes servos tuos, ascendent ranae' significat quod ratiocinia ex falsis erunt in omnibus et singulis. @1 AV viii 1 begins here$ @2 See p. 304 footnote 2, which reads: S first wrote in populum tuum then altered to populi tui but did not d in I has in populi tui here. cp n. 7345 lines 7 and 4e and n. 7355.$