2050. Vers. 13. Circumcidendo circumcidetur natus domus tuae et emptio argenti tui; et erit foedus Meum in carne vestra in foedus aeternum. `Circumcidendo circumcidetur' significat quod illi omnino removebunt a se amores sui et mundi: `natus domus tuae, et emptio argenti tui' significat qui intra Ecclesiam utriusque generis: `et erit foedus Meum in carne vestra' significat conjunctionem Domini cum homine in ejus impuritate, tum etiam significativum: `in foedus aeternum' significat conjunctionem.