Venit post me, dicit Johannes, cujus non dignus sum solvere corrigias calceorum Ipsius, Marc: I: 7. Matth: III: 11. Vocatur Sanctus Dei, Marc: I: 24. Vocatur Sponsus, et illi filii nuptiarum, Marc: II: 19.20. Luc: V: 35. Johannes multos filiorum Israelis convertet ad Dominum Deum eorum, quin praecedet coram Eodem in virtute Eliae, ad parandum Domino populum, Luc: I: 16.17. Hic vocatur Dominus Deus. Angelus Gabriel ad Mariam, concipies, hic erit magnus, et Filius Altissimi vocabitur, cujus Regni non erit finis, Luc: I: 31.32.33. Angelus dixit, spiritus sanctus veniet super te, et virtus Altissimi obumbrabit te, unde quod nascitur ex te sanctum, vocabitur Filius Dei, Luc: I: 35. Maria dixit, exultavit spiritus meus super Deo Salvatore meo, Luc: I: 47. Vocatur Dominus Deus Israelis, Luc: I: 68, et ortus ab alto, 78. Christus Domini, Luc: II: 26. Christus Dei, Luc: IX: 20. Vocatur Dominus Deus, Luc: IV: 12. Qui non est Mecum, contra Me est, et qui non est congregans Mecum, dispergit. Matth: XII: 30. Luc: XI: 23. Benedictus qui venit Rex in Nomine Domini, cum super asino equitavit Hierosolymam, Luc: XIX: 38 Joh: XII: 13.15. Filius hominis sedens a dextris virtutis Dei, Luc: XXII: 69.