[6.8.9.] Ecce Jehovah evacuans terram, et exinaniens illam, reliquum in ((urbe vastitas, et usque ad devastationem contundetur porta, Esai: XXIV: 1 ad 13, de plenaria vastatione veri in Ecclesia, et in omni doctrina ejus, Urbs est doctrina)) --Sequitur tunc apparitio Jehovae, hoc est adventus Domini, vers: 14.15. --De iterata vastatione, quae erit Ecclesiae Christianae, vers: 16 ad 20. --Post tamen multitudinem dierum regnabit Jehovah Zebaoth in Monte Sionis et in Hierosolyma, vers: 21 ad 23, hic est ibi secundus adventus Domini, mons Sionis ibi est Ecclesia quoad bonum amoris, et Hierosolyma Ecclesia quoad verum doctrinae, similiter ut in Apocalypsi. [9.] Faciet Jehovah Zebaoth omnibus populis in Monte hoc convivium pinguedinum, convivium fecum, pinguedinum medullatarum, fecum devastatarum: et absorbebit facies obvolutionis, obvolutionis super omnibus populis, et velamen obvelatum super omnes gentes: absorbebit mortem in aeternum, Esaj: XXV: 6.7.8, de nova Ecclesia et ejus puritate post desolationem, adventus Domini describitur vers: seq: 9. [9.7.] In die illo cantabitur canticum hoc, salutem ponet muros, et antemurale; aperite portas, ut ingrediatur gens justa custodiens fidelitates, Esaj: XXVI: 1.2. Adventus Domini ad novam Ecclesiam. --Abi popule mi, intra in cubicula tua, et claude januam post te, occulta te sicut parum momenti, usque dum transeat ira, nam ecce Jehovah exiens ex loco suo ad visitandum iniquitatem habitatoris terrae, tunc revelabit terra sanguines suos, et non celabit amplius occisos suos, vers: 20.21. De adventu Domini ad ultimum judicium post desolationem.