(((Concepimus, parturivimus, quasi peperimus ventum, salutes non fecimus terrae, Esai: XXVI: 18. Desolatio et tunc merae falsitates.))) [7.7.9.9.9.] In die illo visitabit Jehovah gladio suo duro, et magno, et forti, super Leviathanem serpentem oblongum, et super Leviathanem serpentem tortuosum, occidetque cetos, qui in mari, Esai: XXVII: 1. judicium super illos qui in fide separata a charitate sunt, ita qui in fide naturali sola et nulla spirituali. --In die illo excutiet Jehovah de spica fluvii usque ad fluvium Aegypti, et colligemini unus alteri unus, o filii Israelis. In die illo clangetis buccina magna venientque pereuntes in terra Aschuris, et expulsi e terra Aegypti, et incurvabunt se in Monte sanctitatis in Hierosolyma, vers: 12.13, de adventu Domini ad colligendum fideles ad novum Coelum et novam Ecclesiam, per Aschurem intelliguntur rationales, et per Aegyptum naturales, utrique tunc futuri spiritualis, quia adituri Dominum. (((((Effudit super vos Jehovah spiritum somnolentiae, et occlusit oculos vestros, prophetas, et capita vestra, videntes, obtexit, unde facta est vobis visio omnis, sicut verba libri obsignati, quem si dant scienti literas, dicendo, lege quaeso hunc, dicit non possum, quia obsignatus est, aut si datur liber [ei], qui nescit literas, dicendo, lege quaeso hunc, dicit, non scio literas, Esaj: XXIX: 10.11.12. De desolatione veri --.))))) [9.] Annon adhuc parum paulum, cum convertitur Libanus in arvum, tunc audient in die illo surdi verba libri, et ex caligine, eque tenebris oculi caecorum videbunt, vers: 17.18, post desolationem quod Dominus aperturus sit Verbum. [9.] Pascent pecora tua in die illo in prato lato; erunt super omni monte alto, et super omni colle elato rivi, ductus aquarum, in die caedis magnae, quum cadent turres: erit namque lux lunae sicut lux solis, et lux solis erit septupla, sicut lux septem dierum, in die quo obligabit Jehovah fracturam populi sui, Esaj: XXX: 29.25.26, de Ecclesia Domini post factum ultimum judicium.